Drejtoria e Përgjithshme e Tatimeve bën me dije riorganizimin e procesit të trajnimeve lidhur me Fiskalizimin

Drejtoria e Përgjithshme e Tatimeve, me qëllim ofrimin e një shërbimi sa më cilësor ju bën me dije mbi riorganizimin e procesit të trajnimeve që lidhen me Fiskalizimin.

• Ky riorganizim konsiston në zhvillimin e trajnimeve të përditshme, nga e Hëna në të Enjte, të ndara në 3 seanca me orare të parapërcaktuara si dhe të Premten në dy orare. Trajnimet do të administrohen nëpërmjet platformës Webex, janë të aksesueshme pa regjistrim paraprak dhe secili pjesëmarrës në momentin e log-imit apo gjatë zhvillimit të trajnimit duhet të vendosë edhe NIPT-in e subjektit/eve që përfaqëson.

Administrata Tatimore ka angazhuar në këtë proces trajnuesit dhe ekspertët e saj më të mirë, të cilët do të trajtojnë çështje të ndryshme që lidhen me Fiskalizimin si:

• Baza dhe afatet ligjore
• Certifikimi Elektronik
• Fatura Elektronike
• Përdorimi i Portalit SelfCare

Në këto trajnime, ftohen të marrin pjesë të gjithë palët e interesuara për këtë proces dhe zbatimin e tij siç janë tatimpaguesit, përfaqësuesit e tyre, ekonomistë, kontabilistë, zyra konsulence etj.

Të dhënat e seancave të trajnimeve janë si më poshtë:

Drejtoria e Përgjithshme e Tatimeve e konsideron mjaft të rëndësishëm këtë proces dhe për këtë arsye  do ta  monitorojë në vazhdimësi, me qëllim ofrimin e trajnimeve cilësore me informacione të sakta e korrekte.