×
Njoftimi për AEOI POP-UP në WEB
"Bazuar në ndryshimet e fundit ligjore lidhur me Shkëmbimin Automatik të Informacionit të llogarive financiare, Drejtoria e Përgjithshme e Tatimeve njofton se janë miratuar së fundmi Ligji Nr. 109/2020 "PËR DISA SHTESA DHE NDRYSHIME NË LIGJIN NR. 4/2020, "PËR SHKËMBIMIN AUTOMATIK TË INFORMACIONIT TË LLOGARIVE FINANCIARE", botuar në fletoren zyrtare nr.146 datë 7.8.2020 dhe Vendimi nr. 613, datë 29.07.2020 "Për dispozitat zbatuese të ligjit nr.4/2020 "Për Shkëmbimin Automatik të informacionit të Llogarive Financiare" botuar në fletoren zyrtare nr.145 datë 6.8.2020.
Me ndryshimet e fundit ligjore janë shtyrë edhe disa nga afatet kryesore. Vetëm për raportimin e parë, në vitin 2020, afati i raportimit të Institucioneve Financiare në DPT është data 15 Nëntor 2020. Për vitet pasuese ky afat është brenda cdo date 30 Maj. Ndërsa për shkëmbimin e parë automatik, autoriteti kompetent shkëmben informacionin me juridiksionet e tjera kompetente datës 31.12.2020".
