NJOFTIM PËR KANDIDATËT E KUALIFIKUAR PËR KONKURRIM TË JASHTËM

Në zbatim të Ligjit Nr. 9920, datë 19.05.2008 "Për Procedurat Tatimore në Republikën e Shqipërisë'', i ndryshuar, Udhëzimit nr.24, datë 02.09.2008 i ndryshuar “Për Procedurat Tatimore në Republikën e Shqipërisë”, Ligjit nr. 7961, datë 12.7.1995 “Kodi i Punës i Republikës të Shqipërisë”, i ndryshuar, Rregullores “Për marrëdhëniet e punës të personelit jo nëpunës civil, në Administratën Tatimore Qendrore”, miratuar me Urdhrin nr. 10, datë, 31.01.2020, të Drejtorit të Përgjithshëm, neni 9 e në vijim, ju njoftojmë se pas fazës së verifikimit të dokumentacionit të depozituar brenda afateve ligjore, më poshtë do të gjeni listën emërore të kandidatëve të kualifikuar për fazën e konkurrimit nga jashtë për pozicionet;

• Inspektor, në Sektorin e Verifikimit dhe Monitorimit, në Drejtorinë e Verifikimit dhe Koordinimit në Terren, në DPT, Kategoria III-b.
• Inspektor në Sektorin e Koordinimit, në Drejtorinë e Verifikimit dhe Koordinimit në Terren, në DPT, Kategoria III-b.
• Inspektor në Sektorin e Verifikimit dhe Koordinimit në Terren në Drejtorinë e Verifikimit dhe Koordinimit në Terren, Rajoni Qendror, Kategoria IV-a,
• Inspektor në Sektorin e Verifikimit dhe Koordinimit në Terren , në Drejtorinë e Verifikimit dhe Koordinimit në Terren, Rajoni Verior, kategoria IV-a.

Për shkak të situatës së krijuar nga pandemia COVID-19, si dhe në zbatim të akteve normative të dala për shkak të kësaj situate të cilat, ndalojnë grumbullimet dhe detyrojnë distancimin social, konkurrimi do të zhvillohet ditën e premte, datë 17.07.2020 në dy ambiente të ndara, pranë Drejtorisë së Përgjithshme e Tatimeve dhe pranë Qendrës së Trajnimit të Administratës Tatimore e Doganore (QTATD), në grupe prej 10- 15 kandidatësh, duke filluar nga ora 10.00.

Me qëllim respektimin e rregullave, kandidatët në mënyrë të detyrueshme duhet të jenë të pajisur me mjete mbrojtëse, maska, kusht i cili është i detyrueshëm për pjesëmarrje në testim.

Konkurrimi do të zhvillohet bazuar në fushën e njohurive sipas shpalljes fillestare të datës 02.06.2020, në faqen zyrtare të DPT.

Sipas listës emërore, kandidatët nga numri 1 deri në 60 do të zhvillojnë testimin pranë QTATD dhe nga numri 61 deri në 95 pranë Drejtorisë së Përgjithshme të Tatimeve.

Listat sipas grupeve të ndara dhe oraret respektive do të jetë e afishuar pranë këtyre ambienteve.