DAC4

DAC4 – Raportimi për çdo vend për grupet shumëkombëshe

1. Çfarë është kjo direktivë?
   
   DAC4 parashikon shkëmbimin automatik të raporteve për çdo vend, të njohura si Country-by-Country Reports. Ky raportim zbatohet për grupet e mëdha shumëkombëshe që plotësojnë pragun përkatës të të ardhurave të konsoliduara.
2. Cili është qëllimi i saj?
   
   Qëllimi i DAC4 është të ndihmojë administratat tatimore të vlerësojnë riskun në fushën e transferimit të çmimit dhe erozionit të bazës tatimore. Raporti për çdo vend jep një pamje të përgjithshme të shpërndarjes së të ardhurave, fitimeve, tatimeve dhe aktiviteteve ekonomike të grupit shumëkombësh në juridiksionet ku vepron.
3. Cilat kategori informacioni mbulon?
   
   DAC4 mbulon informacion për:
   
   * të ardhurat e grupit sipas juridiksioneve;
   * fitimin ose humbjen para tatimit;
   * tatimin mbi fitimin të paguar;
   * tatimin mbi fitimin të akumuluar;
   * kapitalin e deklaruar;
   * fitimet e pashpërndara;
   * numrin e punonjësve;
   *aktivet materiale;
   *aktivitetet kryesore të secilës njësi të grupit.
4. Kush mund të preket nga detyrimet e raportimit?
   
   Preken kryesisht grupet shumëkombëshe të mëdha që plotësojnë pragun e të ardhurave të konsoliduara. Detyrimi zakonisht bie mbi entitetin mëmë përfundimtar të grupit ose, në raste të caktuara, mbi një njësi tjetër raportuese të përcaktuar sipas ligjit.
5. Çfarë po bën Administrata Tatimore për përafrimin?
   
   Shqipëria ka tashmë kuadrin ligjor për raportimin për çdo vend. Në kuadër të përafrimit me BEnë, Administrata Tatimore po punon për harmonizimin e mëtejshëm të procedurave të raportimit, shkëmbimit, validimit të të dhënave dhe përdorimit të informacionit për analizë risku.
6. Kur pritet zbatimi?
   
   Raportimi për çdo vend është pjesë e kuadrit ekzistues shqiptar për transferimin e çmimit dhe transparencën tatimore ndërkombëtare. Përafrimi me DAC4 do të vijojë sipas kalendarit të përafrimit me acquis të BE-së dhe kërkesave teknike për shkëmbim informacioni.
7. Pyetje dhe përgjigje për tatimpaguesit
   
   A publikohen vendimet tatimore të bizneseve?
   Jo. DAC4 prek vetëm grupet shumëkombëshe të mëdha që plotësojnë pragun ligjor të raportimit
   
   A përdoret raporti për çdo vend për llogaritjen direkte të tatimit?
   Jo. Raporti përdoret kryesisht për analizë risku dhe nuk zëvendëson deklaratat tatimore apo dokumentacionin e transferimit të çmimit.
   
   A bëhet publik raporti për çdo vend?
   DAC4 parashikon shkëmbim ndërmjet administratave tatimore, jo publikim të përgjithshëm të raportit për publikun