DAC3

DAC3 – Shkëmbimi i informacionit për vendimet tatimore ndërkufitare dhe marrëveshjet paraprake të transferimit të çmimit

1. Çfarë është kjo direktivë?
   
   DAC3 parashikon shkëmbimin automatik të informacionit për vendimet tatimore ndërkufitare dhe marrëveshjet paraprake të transferimit të çmimit. Këto janë akte ose marrëveshje që mund të përcaktojnë trajtimin tatimor të një transaksioni, strukture ose marrëdhënieje ndërkufitare.
2. Cili është qëllimi i saj?
   
   Qëllimi i DAC3 është të rrisë transparencën mbi vendimet tatimore që mund të kenë efekt në më shumë se një vend. Ajo ndihmon administratat tatimore të identifikojnë situata ku një vendim ose marrëveshje mund të ndikojë në bazën tatimore të një juridiksioni tjetër.
   
   Ky regjim është pjesë e masave kundër planifikimit agresiv tatimor dhe konkurrencës së dëmshme tatimore.
   
3. Cilat kategori informacioni mbulon?
   
   DAC3 mbulon informacion për:
   
   * vendime tatimore ndërkufitare;
   * marrëveshje paraprake për çmimet e transferimit;
   * subjektet e përfshira;
   * përmbledhjen e çështjes ose transaksionit;
   * periudhën e vlefshmërisë së vendimit ose marrëveshjes;
   * vendet që mund të preken nga vendimi;
   * të dhëna të tjera të nevojshme për identifikimin e rastit.
4. Kush mund të preket nga detyrimet e raportimit?
   
   Detyrimet kryesore bien mbi administratën tatimore që lëshon ose administron vendimet përkatëse. Në mënyrë indirekte mund të preken bizneset që kërkojnë vendime tatimore ndërkufitare ose marrëveshje paraprake të transferimit të çmimit, veçanërisht grupet me veprimtari ndërkombëtare.
5. Çfarë po bën Administrata Tatimore për përafrimin?
   
   Administrata Tatimore po analizon kuadrin ligjor dhe praktikën administrative për vendimet tatimore dhe transferimin e çmimit, me qëllim përcaktimin e rasteve që do të jenë objekt shkëmbimi. Puna përfshin përgatitjen e procedurave për identifikimin, regjistrimin, përmbledhjen dhe shkëmbimin e informacionit për vendimet dhe marrëveshjet përkatëse.
6. Kur pritet zbatimi?
   
   Zbatimi do të përcaktohet në përputhje me kalendarin e përafrimit të legjislacionit me BE-në dhe me aktet përkatëse që do të miratohen. Administrata Tatimore po përgatit paraprakisht procedurat e brendshme dhe kapacitetet e nevojshme për këtë regjim. Pyetje dhe përgjigje për tatimpaguesit
7. Pyetje dhe përgjigje për tatimpaguesit
   
   A publikohen vendimet tatimore të bizneseve?
   Jo. DAC3 nuk synon publikimin e vendimeve për publikun e gjerë, por shkëmbimin e informacionit ndërmjet administratave tatimore, sipas rregullave të konfidencialitetit.
   
   A preken të gjitha vendimet tatimore?
   Jo. Preken vetëm ato vendime ose marrëveshje që plotësojnë kriteret ligjore, veçanërisht kur kanë karakter ndërkufitar.
   
   A mbrohet sekreti tregtar?
   Po. Informacioni i shkëmbyer trajtohet sipas rregullave të konfidencialitetit dhe përdoret për qëllime tatimore