Monitorimit në Terren 20-26 Shkurt: 461 kontrolle të ushtruara - 67 shkeljet ë konstatuara
Strukturat e Monitorimit në Terren kanë vijuar me verifikimet në të gjithë territorin e vendit, në zbatim të Planit Kundër Informalitetit.
Gjatë periudhës 20-26 Shkurt 2020, janë kryer 461 kontrolle, ndërsa janë konstatuar 67 shkelje.
Shkeljet më kryesore renditen si më poshtë:
7 subjekte të paregjistruara;
6 tatimpagues të penalizuar për shkeljen e moslëshimit të kuponit tatimor (rasti i parë), ndërsa 1 tatimpagues bllokuar ambientet për 30 ditë kalendarike për moslëshim kuponi tatimor (hera e dytë).
3 tatimpagues me punonjës të padeklaruar, subjekte “biznes i vogël”.
4 tatimpagues janë konstatuar se nuk kanë pasur të instaluar pajisjet fiskale dhe 1 tjetër nuk mbante pajisjen fiskale në gjendje pune.
13 tatimpagues janë konstatuar se dispononin mallra pa dokumentacion tatimor.
Administrata Tatimore fton dhe nxit të gjithë tatimpaguesit të vetëdeklarojnë në mënyrë korrekte e në respektim të ligjit, duke ju siguruar se monitorimi do të përfshijë çdo subjekt, që prish konkurencën e ndershme në treg.